“မုဟမ္မဒုရ်ရစူလုလ္လာဟ်” (ဆွလ်လလ်လာဟုအလိုင်ဟိဝစလ်လမ်) (2)

ဗနူဟာရှင်မ် ဟူသော အနွယ်အမည်

ကိုယ်တော်မြတ်၏ အနွယ်အမည်မှာ ဗနူဟာရှင်မ်ဖြစ်သည်။ ကိုယ်တော်မြတ်၏ဘေးတော် ဟာရှင်မ် ကို အစွဲပြု၍ဗနူဟာရှင်မ် (ဟာရှင်မ်၏သားမြေးများ) ဟုတွင်ခဲ့ခြင်းဖြစ်သည်။ ဘေးတော်ဟာရှင်မ် သည် မက္ကဟ်ဘုရားဖူးများကို အိမ်ရှင်အဖြစ် ကြိုဆိုဧည့်ခံတည်ခင်း ရသော တာဝန်ကို နှစ်ခြိုက်စွာ ထမ်းဆောင်ခဲ့ပြီး သူလွန်သောအခါသူ၏ညီ မုသွာလိဘ် က ဤတာဝန်ကိုဆက်လက် ထမ်းဆောင် ခဲ့လေသည်။ မုသွာလိဘ်လွန်သောအခါဟာရှင်မ် ၏သားမြေးများက ဤတာဝန်ကို ပြန်လည်လက် လွှဲယူခဲ့ သည်မှာ ကိုယ်တော်မြတ်၏ ရှရီအသ်အရ အစ္စလာမ် သာသနာပြန်လည် ရှင်သန်လာသည့် ကာလအထိပင်။

အစဉ်အဆက် ကုန်ရောင်းကုန်ဝယ်လုပ်ငန်း လုပ်ကိုင်ကြသည့် ကုရိုက်ရ်ှများအတွက် ဆောင်းရာသီ တွင်ယီမင်၊ နွေရာသီတွင် ဆီးရီးယား ဒေသများသို့ ကုန်ခရီးများကို ဟာရှင်မ်ကပင်စီစဉ်ပေးရလေ သည်။ ဤသို့ ကုန်စည်ကူးသန်းရောင်းဝယ်မှုသည် ကုရိုက်ရှ် လူမျိုးစုအတွက် အရေးပါခဲ့ရုံမက၊ အလွန်ပင်အကျိုးကြီးမားခဲ့လေသည်။ အလ္လာဟ်အရှင်မြတ်က ကုရိုက်ရ်ှတို့အပေါ်ပြုပေးသနားတော် မူခဲ့သော ဤသည့် ကျေးဇူးကို ပြန်ပြောင်းသတိရစေရန်အလို့ငှါ ကျမ်းတော်မြတ်ကုရ်အာန် စူရဟ်၁၀၆ တွင် ကုရိုက်ရှ် တို့၏ ကုန်စည်ကူးသန်းရောင်းဝယ်မှုခရီးများတွင် အလ္လာဟ်အရှင်မြတ်က စောင့်ရှောက်တော်မူခဲ့သည့်အကြောင်းမိန့်ကြားထားပေသည်။

ဟာရှင်မ် သည် ဆီးရီးယားသို့ ခရီးသွားရာတွင် ယသ်ရိဘ် (နောင်တွင် မဒီနဟ် ဟုတွင်လာသည့်) မြို့ကိုဖြတ်သန်းသွားလေ့ရှိသည်။ ယင်းသို့ဖြတ်သန်းသွားလေ့ရှိရာ၊ တစ်ကြိမ်တွင် ယသ်ရိဘ် အရောက်ဗနူ အဒီ ဘင်န် နဂ်ျဂျာရ် လူမျိုးစုမှ စလ်မာ ဘင်န်သိ အမရ် အမည်ရှိ အမျိုးသမီးနှင့် ထိမ်းမြားခဲ့ပြီးသားတစ်ဦးထွန်းကားခဲ့လေသည်။ ထိုသားငယ်မွေးဖွားစဉ်တွင် ဆံပင်တွင် အဖြူကြား များပါရှိနေသည်ကို အစွဲပြု၍ စလ်မာ ဘင်န်သိ အမရ် သည်သူ၏ သားအား “ရှိုင်ယ်ဗာ” (ဆံဖြူရှင်) ဟုအမည်မှည့်ခဲ့လေသည်။ ဟာရှင်မ် သည် ယသ်ရိဘ် မြို့မှ ပြန်ခါနီးတွင် သူ၏ ဇနီးသည်ဖြစ်သူ စလ်မာ ဘင်န်သိ အမရ်သည် “ရှိုင်ယ်ဗာ” အားကိုယ်ဝန်လွယ်ထားဆဲပင် ရှိနေခဲ့သည်။ ဟာရှင်မ် သည် မက္ကဟ်သို့ပြန်ရောက်ပြီး ကွယ်လွန်သွားလေခဲ့ရာ၊ ဟာရှင်မ်၏သား “ရှိုင်ယ်ဗာ” ၏မွေးဖွား ခြင်းနှင့်ပတ်သတ်၍ ဟာရှင်မ်၏ဆွေမျိုးတစ်ဦးတစ်ယောက်မှ မသိလိုက်ရပေ။

ဟာရှင်မ်ကွယ်လွန်ပြီးရှစ်နှစ်ခန့် ကြာတော့မှသာလျှင် ဟာရှင်မ်၏ညီ မုသွာလိဘ်သည်”ရှိုင်ယ်ဗာ” သည် ဟာရှင်မ်၏သားဖြစ်သည်ဟူသောအချက် အားစုံစမ်းမိလေတော့သည်။ ၎င်းနောက် မုသွာလိဘ်သည် သူ၏ အစ်ကိုသားဖြစ်သူ “ရှိုင်ယ်ဗာ” အားမက္ကဟ်မြို့သို့ခေါ်ဆောင်ခဲ့လေသည်။ မုသွာလိဘ် နှင့် ရှိုင်ယ်ဗာ တို့နှစ်ဦး မက္ကဟ်မြို့သို့ ဝင်ရောက်လာသောအခါ လူအများက ရှိုင်ယ်ဗာ အားမုသွာလိဘ် ၏ ကျွန်အဖြစ်မှတ်ထင်မိကြသည့်အလျောက် “အဗ်ဒုလ် မုသွာလိဘ်”(မုသွာလိဘ် ၏ကျွန်) ဟူ၍သာခေါ်ဝေါ် နှုတ်ကျိုးခဲ့ကြလေတော့သည်။ ဤသို့ဖြင့် ဟာရှင်မ်၏ သား ရှိုင်ယ်ဗာ သည်မူလအမည်ပျောက်၍ “အဗ်ဒုလ် မုသွာလိဘ်” ဟူ၍သာ ကျော်ကြားလာခဲ့သည်။

အဗ်ဒုလ် မုသွာလိဘ် သည် အလွန်ခန့်ညားတည်ကြည် ရှုချင်စဖွယ် ရုပ်ရည် ရှိသူအဖြစ်ကြီးပြင်း လာခဲ့ပြီး ကုရိုက်ရှ် လူမျိုးစု၏ အရေးပါသောခေါင်းဆောင်တစ်ဦး

အဖြစ်ရပ်တည်လာခဲ့ပေသည်။ သူသည် ကုရိုက်ရ်ှလူမျိုးစု၏ အဓိပတိ ဖြစ်လာခဲ့ပြီး သူ၏ ရက်ရောမှုကြောင့် “ရက်ရောသူ အဗ်ဒုလ် မုသွာလိဘ်” အဖြစ်ထင်ရှားခဲ့သည်။ သူသည်ပိုလျှံနေသော အစားအသောက်များအား မရှိဆင်းရဲသားများသာမက တိရိစ္ဆာန် များနှင့် ငှက်များအားလည်း ရက်ရောစွာ ကျွေးမွေးစောင့်ရှောက်သူဖြစ်သည်။ ဤအတွက်ကြောင့် လူအများကသူ့အား “မြေပြန့်ရှိ လူများ၊ သားရဲ တိရိစ္ဆာန်များ နှင့်တောင်ပေါ်ရှိငှက်များအားကျွေးမွေးစောင့်ရှောက်သူ” ဟုခေါ်ဝေါ်လာကြပြန်လေသည်။

အဗ်ဒုလ် မုသွာလိဘ် သည် ဇမ်ဇမ်ရေတွင်းကို ပြန်လည်ရှာဖွေတွေ့ရှိသူဟူသော ဂုဏ်ကိုလည်းပိုင်ဆိုင်ခဲ့သူဖြစ်သည်။ ဤရေတွင်းသည် တမန်တော်အိစ္စမာအီလ် ကလေးသူငယ်ဘဝက သူ၏မိခင်ဟာဂျရဟ်သခင်မကြီးက သဲကန္တာရတွင် ပြေးလွှားရေ ရှာနေခဲ့စဉ် ကလေးငယ်တမန်တော်အိစ္စမာအီလ်သဲပြင်ခြောက်ခြောက်ကို ခြေဖြင့်ကန်ကျောက်ရာမှ အလ္လာဟ့်အလိုတော်ဖြင့် ရေထွက်လာခဲ့သောရေတွင်းဖြစ်လေသည်။ ဂျုရ်ဟုမ်အမည်ရှိ လူမျိုးစုသည် မက္ကဟ်မြို့မှ နယ်နှင်ဒဏ်ပေးခံရသောအခါဤရေတွင်းအားဖုံးအုပ်ဖျောက်ဖျက်သွားရာမှ အဗ်ဒုလ် မုသွာလိဘ် ကပြန်လည်ရှာဖွေတွေ့ရှိခြင်းဖြစ်သည်။

အဗ်ဒုလ် မုသွာလိဘ်လက်ထက်တွင် ကျူးကျော်သူ အဘိစီးနီးယန်း (အီသိယိုပီးယန်း) ခရစ်ရှန်ဘုရင်အဘ်ရဟာ က ကအ်ဗဟ်ကျောင်းတော်ကို ဖျက်စီးရန် ကြီးမားလှသော ဆင်တပ်ကြီးဖြင့် မက္ကဟ်မြို့ကိုဝင်ရောက်ကျူးကျော်တိုက်ခိုက်ခဲ့လေသည်။ ဤအကြောင်းကို ကျမ်းတော်မြတ်ကုရ်အာန် စူရဟ် ၁၀၅တွင် အလ္လာဟ်အရှင်မြတ်ကမိန့်ဆိုထားလေသည်။ ယင်းအဘ်ရဟာသည် စစ်သားပေါင်းခြောက်သောင်းဖြင့်ဖွဲ့စည်းထားသော စစ်တပ်ကြီးကို ဦးစီး၍ စစ်ချီလာခဲ့ခြင်းဖြစ်သည်။ ဤသို့ဖျက်စီးရန် အကြံမည်သို့ဖြစ်တည်လာသနည်းဟူမူ ၎င်းအဘ်ရဟာသည် ယီမင်ပြည်တွင် အလွန်ကြီးမားခမ်းနားသောသောခရစ်ရှန်ချာခ်ျ ကို တည်ဆောက်ခဲ့သော်ငြှားလည်း ကအ်ဗဟ်ကျောင်းတော်တွင်သာ ဘုရားဖူးများဖြင့်စည်ကားနေခြင်းကြောင့် မနာလိုမရှုစိမ့်ဖြစ်ခဲ့ခြင်း အကြောင်းခံကြောင့်ပင်။

ယင်းခရစ်ရှန်ဘာသာဝင်ဘုရင် အဘ်ရဟာ၏စစ်တပ်အား အလ္လာဟ်အရှင်မြတ်က မည်သို့မည်ပုံရှုံးနိမ့် ပျက်စီးစေခဲ့ကြောင်း စူရဟ် ၁၀၅ ဘာသာပြန်အားဖတ်ရှု ကြည့်ကသိနိုင်ပါသည်။ဤသည်ကား အလ္လာဟ်အရှင်မြတ်အားဝတ်ပြုရန်မျက်နှာလှည့် ရာ အမှတ်သညာ ကျောင်းတော်အားဖျက်စီးရန်ကြံရွယ်သူတို့အတွက် လောကီပြစ်ဒဏ်ပင်။ မက္ကဟ်သမိုင်း၏ဤအဖြစ်အပျက်ကြောင့်အဘ်ရဟာ၏ စစ်တပ်ကြီးအားဆန့်ကျင်၍ ကြံ့ကြံ့ခံရပ်တည်ခဲ့သော အဗ်ဒုလ် မုသွာလိဘ် ၏ စိတ်ဓာတ်သည် လည်းမှတ်တမ်းတွင်ခဲ့လေသည်။ အဗ်ဒုလ် မုသွာလိဘ်သည် သူ၏ ပိုင်ဆိုင်မှုများအတွက်အဘ်ရဟာအားရဲဝံ့စွာဆန့်ကျင်ခဲ့ပြီး၊ ကအ်ဗဟ်ကျောင်းတော်ကိုမူ ပိုင်ရှင်ဖြစ်သည့် အလ္လာဟ်ကသာစောင့်ရှောက်မည်ဟု ခိုင်ခိုင်မာမာ ယုံကြည်ခဲ့သည်။ (အဗ်ဒုလ် မုသွာလိဘ်၏ယုံကြည်မှုကဲ့သို့ကျွန်ပ်တို့ မုစ်လင်မ်များ ယုံကြည်ကျင့်သုံးရမည်ဟုလုံးဝမဆိုလိုပါ။ သမိုင်းလာ အဗ်ဒုလ် မုသွာလိဘ်၏ ခံယူယုံကြည်ခဲ့ပုံကိုသာ ရေးပြခြင်းဖြစ်ပါသည်။)

အဗ်ဒုလ် မုသွာလိဘ်၏ သားဖြစ်ပြီး ကိုယ်တော်မြတ်(ဆွလ်လလ်လာဟုအလိုင်ဟိဝစလ်လမ်) ၏ဖခင်ဖြစ်သူ အဗ်ဒုလ္လာဟ် သည် အလွန်ခန့်ညားကြည့်ချင် ရှုချင်စဖွယ် သောလူငယ် တစ်ဦးဖြစ်သည်။အဗ်ဒုလ္လာဟ် သခင် သည် ဝဟ်ဘ် ဘင်န် အဗ်ဒုမုနာဖ်၏သမီးအာမိနာသခင်မနှင့်ထိမ်းမြားလက်ထပ်ခဲ့ပြီးများမကြာမီပင် အာမိနာသခင်မသည် ကိုယ်ဝန်ရှိလေတော့သည်။ သို့သော် မီးမဖွားမှီပင် အဗ်ဒုလ္လာဟ်သခင်အားသူ၏ ဖခင်က ယသ်ရိဘ် သို့ ကုန်ရောင်းကုန်ဝယ်ကိစ္စအလို့ငှါစေလွှတ်ခဲ့ရာ လမ်းခရီးတွင်အဗ်ဒုလ္လာဟ်သခင် ကွယ်လွန်ရှာလေသည်။

ဆက်လက်ရေးသားပါဦးမည်ခင်ဗျား

လေးစားပါတယ်ခင်ဗျာ

The Sage