ရှိုက်ခ် အိဗ်နိ နဖီးစ် (ရ.ဟ)

အစ္စလာမုအလိုင်ကွမ် ဝရဟ်မသုလ္လာဟိ ဝဗရကဟ်

ဒီတစ်ခါလည်း ညီအစ်ကိုတော်၊ ညီအစ်မတော် များကို သာသနာရေးနဲ့သိပ္ပံ၊ ဝိဇ္ဇာ စွယ်စုံပညာရှင်ကြီး နောက်တစ်ဦးနဲ့မိတ်ဆက်ပေးပါဦးမယ်။ ဒီပညာရှင်ကြီးက တော့ ရှိုက်ခ် အိဗ်နိ နဖီးစ် ပါ။ ပညာရှင်ကြီးရဲ့ နာမည်အပြည့်အစုံကတော့အလာအုဒ်ဒီးန် အဘူလ်ဟစန် အလီအိဗ်နိ အဗီဟဇမ် အလ်ကုရိုက်ရ်ှရှီ အဒ်ဒိမတ်ရ်ှကီ ပါ။ ပညာရှင်ကြီးဟာ အသွယ်သွယ်သော ဆေးပညာရပ်များရဲ့ ပါရဂူကြီးတစ်ဦးအနေနဲ့ ထင်ရှားသော်လည်း ဒဿနိကဗေဒ၊ သမိုင်းပညာ၊ တက္ကဗေဒ၊နက္ခတ္တဗေဒ၊ ဥပဒေ ပညာရှင် စတဲ့ ဂုဏ်ပုဒ်တွေကိုလည်း ပိုင်ဆိုင်ခဲ့သူပါ။ ကုရ်အာန်ကိုအာဂုံဆောင်ခဲ့တဲ့ ဟာဖိဇ် တစ်ဦးလည်းဖြစ်ပါတယ်။ ဒါ့အပြင် ဟဒီးဆ် သိပ္ပံဆိုင်ရာ ပညာရှင်ကြီးတစ်ဦးဖြစ်ပြီး ရှာဖွီဓမ္မသတ် ပညာရှင်ကြီးလည်း ဖြစ်ပါတယ်။
ပညာရှင်ကြီးဟာ C.E ၁၂၁၃ ခု ဆီးရီးယားနိုင်ငံ ဒမတ်စ်ကတ်စ်မြို့မှာ ဖွားမြင်ခဲ့ပါတယ်။ ကုရိုက်ရှ် အာရပ်အနွယ်ဝင် တစ်ဦးပါ။ အဲဒါကြောင့်လည်း ပညာရှင်ကြီးကို အလ်ကုရိုက်ရ်ှရှီ အဒ်ဒိမတ်ရ်ှကီ လို့ ခေါ်ဝေါ်တာဖြစ်ပါတယ်။ ဒမတ်စ်ကတ်စ်ရှိဆေးရုံနဲ့တွဲထားတဲ့ ဆေးကော်လိပ် ကနေ ဆေးပညာ သင်ကြားခဲ့ပါတယ်။ C.E ၁၂၃၆ ခုလောက်မှာ အီဂျစ်နိုင်ငံ ကိုင်ရိုမြို့ကို ပြောင်းရွှေ့နေထိုင်ခဲ့ပြီး ကိုင်ရိုမြို့က အန်နစ်ရီ ဆေးရုံကြီးမှာ ကျောင်းအုပ်ကြီး တာဝန်ကို ထမ်းဆောင်ခဲ့ရင်း ခွဲစိတ်ကုဆေးပညာရှင်ကြီးများစွာ ကိုသင်ကြားပို့ချမွေးထုတ် ပေးခဲ့ပါတယ်။ ပညာရှင်ကြီးဟာ ကိုင်ရိုမြို့ အလ်မန်ဆူရီယာ ဆေးရုံကြီးမှာလည်း သမားတော်ချုပ်ကြီးအဖြစ် တာဝန်ထမ်းဆောင်ခဲ့ပါသေးတယ်။ အသက် ၂၉နှစ် အရွယ်မှာ သူ့ရဲ့အကျော်ကြားဆုံး စာအုပ်ဖြစ်တဲ့ "အိဗ်နိ ဆီနာ၏ခန္ဓာဗေဒ ဆေးကျမ်း အဖွင့်ကျမ်း" ကို ပြုစုခဲ့ပါတယ်။ (ပညာရှင်ကြီး အိဗ်နိဆီနာနဲ့လည်း ညီအစ်ကိုတော်၊ ညီအစ်မတော် များကို နောက်တော့ မိတ်ဆက်ပေးပါ့မယ်) မြောက်များစွာသော ခန္ဓာဗေဒဆိုင်ရာတွေ့ရှိချက် အသစ်တွေကို အဲဒီစာအုပ်မှာ ဖော်ပြခဲ့ပါတယ်။ သူဟာ "အရ်ှရှာမိလ်ဖွိလ်သွိဗ်" "The Comprehensive Book on Medicine" ဆိုတဲ့ ဆေးပညာစွယ်စုံကျမ်းကြီးကို ပြုစုခဲ့ပါတယ်။ အဲဒီ ဆေးပညာစွယ်စုံကျမ်း ကို အတွဲ (၈၀) အထိဘဲ ပြုစုနိုင်ခဲ့ရှာပါတယ်။ အဆုံးမသတ်ခင်ဘဲသူဟာကွယ်လွန်သွားရှာခဲ့လို့ပါ။ အဲဒီအဆုံးမသတ်ခဲ့တဲ့ အတွဲ (၈၀) ဆေးပညာစွယ်စုံကျမ်းကြီးဟာ သူ့ခေတ်မှာ အကြီးဆုံးဆေးပညာစွယ်စုံကျမ်းကြီးဖြစ်ခဲ့ရုံမက ယနေ့ခေတ်တိုင် အဲဒီကျမ်းကြီးလောက် များပြားတဲ့ဆေးပညာအကြောင်းအရာတွေပါတဲ့ကျမ်းမျိုးယနေ့အထိမပေါ်ဖူးသေးပါဘူး။
သူ့ရဲ့အလွန်ထင်ရှားတဲ့ ဆေးသိပ္ပံသုတေသနတွေ့ရှိချက် ကြီးကတော့ နှလုံး၊အဆုတ်သွေးလည်ပတ်မှုစနစ်ကို မှန်ကန်တိကျစွာဖော်ထုတ်ခဲ့ခြင်းပါဘဲ။ သူဟာသူ့အရင်ရှိခဲ့တဲ့ ဂရိပညာရှင်ကြီး "ဂလန်" (ဂေလန်) ရဲ့ သွေးလည်ပတ်မှုစနစ် အယူအဆဟာမှားကြောင်းသက်သေပြခဲ့ပြီး မှန်ကန်တဲ့အယူအဆကို ဆေးလောကအား သင်ပေးခဲ့ပါတယ်။ သူ့ရဲ့သင်ကြားချက်တွေဟာ ကျမ်းတွေအဖြစ်တည်ရှိခဲ့ပေမယ့် တစ်ခါမှာကျမ်းတစ်ချို့ဟာ ပျောက်ပျက်သွားခဲ့ပါတယ် (ခရူးဆိတ်နဲ့မွန်ဂိုတွေရဲ့တိုက်ခိုက်မှုကြောင့် ပျက်စီးသွားတယ်လို့ယူဆပါတယ်၊
ဒါကျွန်တော့်ယူဆချက်သက်သက်ပါ၊ မှန်မမှန်ကျွန်တော်အာမ မခံနိုင်ပါဘူး။ ဆက်လက် လေ့လာကြစေလိုပါတယ်။) သို့ပေမယ့်လည်း သွေးလည်ပတ်မှု ဆိုင်ရာတွေ့ရှိချက်ပါဝင်တဲ့ သူပြုစုခဲ့တဲ့ ကျမ်းကတော့ အီတလီနိုင်ငံဗင်းနစ်မြို့မှာ အာရဗီဘာသာစာပေနဲ့ရှိနေခဲ့ပြီး လက်တင်ဘာသာကို လည်းပြန်ဆိုခဲ့တယ်လို့ ပညာရှင်တွေကယူဆကြပါတယ်။
ရှိုက်ခ် အိဗ်နိ နဖီးစ် က သွေးလည်ပတ်မှုဆိုင်ရာစနစ်ကိုတွေ့ရှိကျမ်းပြုပြီးနောင်နှစ်ပေါင်း၃၀၀ ကျော်လောက် ကြာတော့ အင်္ဂလိပ်လူမျိုးဆေးသိပ္ပံပညာရှင်ကြီး (C.E ၁၅၇၈-၁၆၅၇) ဝီလီယမ်ဟာဝေး က နှလုံးသွေး လည်ပတ်မှုစနစ်ကို အသေးစိတ်သုတေသနပြုပြီး ကမ္ဘာကိုပြန်လည်တင်ပြု အကျိုးပြုခဲ့ပါတယ်။ သူတင်ပြခဲ့တာဟာ ပိုမိုအသေးစိတ်ပေမယ့် သွေးလည်ပတ်မှုစနစ်ဆိုင်ရာ ဇီဝကမ္မဗေဒရဲ့ဖခင်ကြီး ဆိုတဲ့ဂုဏ်ပုဒ်ကိုတော့ ရှိုက်ခ် အိဗ်နိနဖီးစ် က ရခဲ့ပါတယ်။ ကမ္ဘာ့သမိုင်းမှာ သွေးလည်ပတ်မှုစနစ် ကို ပထမဦးဆုံးမှန်ကန်စွာတင်ပြခဲ့တဲ့အတွက်ပါ။
(အင်န်ဆိုင်ကလပေးဒီးယားဘရိတာနိကာ အလိုအရ ရှိုက်ခ်ရဲ့ဒီတွေ့ရှိချက်ကို ၂၀ ရာစုကျမှ ကမ္ဘာက အာရုံစိုက်မိခဲ့တယ်လို့ဆိုပါတယ်။)သူ့ရဲ့လူသားအကျိုးပြု၊ ကမ္ဘာ့ဆေးလောက ကိုပြုခဲ့တဲ့ အခြားစွမ်းဆောင်ချက် တွေလည်းရှိပါသေးတယ်။ သူဟာ အော်တော့ပ်စီ (ခေါ်) လူသေအလောင်းအား ခွဲစိတ်ဖြတ်တောက် သုတေသနပြုခြင်း၊ ခွဲစိတ်ကုဆေးပညာ၊ မျက်စိခွဲစိတ်ကုပညာ၊ ခန္ဓာဗေဒ၊ ဇီဝကမ္မဗေဒ စတဲ့ဆေး သိပ္ပံဘာသာရပ်တွေနဲ့ပတ်သတ်ပြီးလည်း မြောက်များစွာသော တွေ့ရှိချက်တွေ ကိုမှတ်တမ်းတင်ခဲ့ပြီး နောင်လာနောက်သားပညာရှင်တွေကိုလမ်းဖောက်ပေးခဲ့သူပါ။ ကမ္ဘာ့သမိုင်းမှာ ရှိုက်ခ် အိဗ်နိ နဖီးစ် လိုမုစ်လင်မ်စွယ်စုံပညာရှင်ကြီးတွေ အများကြီးပေါ်ထွန်းခဲ့ကြောင်းနောက်လာမယ့်ပို့စ်တွေမှာဖတ်ရှုရပါလိမ့်မယ်။ ပညာရှင်ကြီးဟာ C.E ၁၂၈၈ ခုနှစ် အီဂျစ်နိုင်ငံကိုင်ရိုမြို့မှာဘဲ အလ္လာ့ဟ်အမိန့်တော်ခံယူခဲ့ပါတယ်။ (အင်းန်နလိလ္လလာဟိဝအင်းန်နအိလိုင်ဟိရာဂျိအူးန်။) သူကွယ်လွန်ပြီးနောက် သူဆေးကျမ်းတွေပြုစုခဲ့လို့ ဂုဏ်ပြုဆုရရှိခဲ့တဲ့ဓနဥစ္စာတွေနဲ့ တည်ဆောက်ထားတဲ့သူ့ရဲ့အိမ်၊ စာကြည့်တိုက်နဲ့ဆေးခန်းတို့ကို အလ်မန်ဆူရီယာ ဆေးရုံကြီးသို့ လှုဒါန်းခဲ့ပါတယ်။ (ရဟ်မသုလ္လာဟ် အလိုင်ဟ်) ကျွန်တော်ခုရေးပြခဲ့တဲ့ ပညာရှင်ကြီးရဲ့အရည်အချင်း၊ စွမ်းဆောင်ချက် စတာတွေဟာပညာရှင်ကြီး အကြောင်းတွေထဲက တစ်ကယ့်ကိုနည်းနည်းလေးပါ။
စာဖတ်သူတွေအနေနဲ့ မိမိဘာသာဆက်လက်လေ့လာကြပါလို့ တိုက်တွန်းနှိုးဆော်၍အလ္လာဟ်အရှင်မြတ် ဤပညာရှင်ကြီး(ရဟ်မသုလ္လာဟ် အလိုင်ဟ်)ကဲ့သို့ စွယ်စုံပညာရှင်ကြီးနောက်ထပ်အများကြီး မုစ်လင်မ်များထဲမှ ပေါ်ထွက်လာနိုင်စေရန် ပြုပေးသနားတော်မူပါဟု တောင်းဆုဒုအာပြုရင်း ရှိုက်ခ်အိဗ်နိ နဖီးစ် အား ညီအစ်ကိုတော်၊ ညီအစ်မတော်များနဲ့မိတ်ဆက်ပေးခြင်းကိုအဆုံးသတ်လိုက်ပါတယ်ခင်ဗျား။

The Sage