ရှိုင်ခ် အိဗ်နု အလ်ဟိုင်ယ်သမ် (Alhazen) (ရ.ဟ)

အစ္စလာမုအလိုင်ကွမ် ဝရဟ်မသုလ္လာဟိ ဝဗရကဟ်

ဒီ တစ်ခါတော့ ညီအစ်ကိုမောင်နှမ များကို အောက်မေ့ဖွယ်ရာ မုစ်လင်မ် သိပ္ပံ ဝိဇ္ဇာ စွယ်စုံပညာရှင်
ကြီးရှိုင်ခ် အိဗ်နု ဟိုင်ယ်သမ် နဲ့ မိတ်ဆက်ပေးချင်ပါတယ်။ ရှိုင်ခ် ရဲ့အမည်အပြည့်အစုံကတော့
အဗူအလီ အလ်ဟစန် အိဗ်နု အလ်ဟိုင်ယ်သမ်ပါ။ အလယ်ခေတ် ဥရောပ သမိုင်းမှာ (Alhazen)
အလ်ဟေဇဲန်ဆိုတဲ့အမည်နဲ့ ကျော်ကြားခဲ့သူပါ။ C.E ၉၆၅ မှာ ဘစရာ မှာမွေးဖွားခဲ့ပါတယ်။ အချို့
သမိုင်းတွေမှာ ပညာရှင်ကြီးဟာ အရဗ်လူမျိုး တစ်ဦးဖြစ်တယ်လို့ဖော်ပြထားပေမယ့် အချို့သမိုင်းနဲ့
အင်န်စိုင်ကလပေဒီးယား တွေမှာတော့ ပါရှန်းလူမျိုး တစ်ဦးဖြစ်တယ်လို့ဖော်ပြထားပါတယ်။ ဝီကီမှာ
တော့ (Arab or Persian ) လို့ ရေးသားထားတာတွေ့ရပါတယ်။ ပညာရှင်ကြီးဟာ အော့ပ်တစ် (ခေါ်)
စက္ခုအတတ်ပညာ သာမက ခန္ဓာဗေဒ၊ နက္ခတ္တဗေဒ၊ သင်္ချာပညာ၊ ဆေးပညာ၊ မျက်စိကုပညာ၊
ရူပဗေဒ၊ ဒဿနိကဗေဒနဲ့ စိတ်ပညာ နယ်ပယ်တွေကို ပညာအလင်းတွေပေးပြီး ကြီးမားတဲ့ကျေးဇူး
တွေပြု ခဲ့သူပါ။

ရှိုင်ခ် ဟာ C.E 965 ခု ဝန်းကျင် ဘစရာမှာ မွေးဖွားခဲ့သော်ငြားလည်း အီဂျစ်ပြည် ကိုင်ရို မှာ အများဆုံး
နေထိုင်ခဲ့ပါ တယ်။ တစ်ကြိမ်တစ်ခါမှာတော့ ရှိုင်ခ်ဟာ သူ့ရဲ့ သင်္ချာပညာ နဲ့ အင်္ဂျင်နီယာ ပညာရပ် ကျွမ်း
ကျင်မှု ကို အလွန်အထင်ကြီးပြီးနိုင်းမြစ်ရေကြီးခြင်း ကို ထိန်းသိမ်းနိုင်မယ့် ရေကာတာကြီး တစ်ခု ကို
တည်ဆောက်နိုင်တယ်လို့ မာနတက် ဖွင့်ဟပြောဆိုမိပါတယ်။ အဲဒီသတင်းဟာ ဖွာသမီယဟ် ဘုရင်
အလ်ဟာကင်မ် ဘင်န် အမ်ရုလ်လာဟ် ထံရောက်ရှိသွားပြီး၊ သူ့ကို အီဂျစ်ပြည်၊ ကိုင်ရို မြို့ကို အာဏာနဲ့
ဆင့်ခေါ်ခြင်းခံရပြီး၊ ရေကာတာကြီး တည်ဆောက်ဖို့ တာဝန်ပေးအပ်ခြင်းခံခဲ့ ရပါတယ်။ လက်တွေ့ကွင်း
ဆင်းပြီး ဆာဗေးလုပ်လေ့လာတော့ မှ ရေကာတာကြီး တည်ဆောက်ဖို့ မဖြစ်နိုင်ဘူးဆိုတာကို ရှိုင်ခ်ဟာ
သိရှိပြီး သူ့ရဲ့ မာနစကားအတွက် အလွန်နောင်တရခဲ့ရှာပါတယ်။ ဒါပေမယ့်လည်း သူ့ရဲ့ မစွမ်းဆောင်နိုင်
မှု ကြောင့် ဘုရင် က အမျက်ထွက်အပြစ်ပေး မှာစိုးရိမ်ပြီး၊ သူ ဟာ ရူးသွတ် နေသူ အဖြစ်ဟန်ဆောင်လိုက်
ပါတော့တယ်။ သို့ပေမယ့် ဘုရင် ကတော့ သူ့ကို နေအိမ်အကျယ်ချုပ် အပြစ်ပေးခဲ့ပါတယ်။ C.E ၁၀၂၁၊
ဘုရင် ကွယ်လွန် တော့မှ အဲဒီအပြစ် ကနေ လွတ်မြောက်ခဲ့ပါတယ်။

နေအိမ်အကျယ်ချုပ် နေခဲ့ရစဉ် က သူဟာ သူ့ရဲ့ အကျော်ကြားဆုံး ကျမ်းကြီး ဖြစ်တဲ့ "ကိသာဘုလ် မနာဇိရ်"
စက္ခုပညာကျမ်း (BOOK OF OPTICS) ကို ပြုစုခဲ့ပါတယ်။ ဒီ ကျမ်းကြီး ကို နှစ်ပေါင်း ၁၀ နှစ်ကြာ ပြုစုခဲ့တာ
ဖြစ်ပြီး အတွဲ ၇ တွဲ ရှိတဲ့ ကျမ်းကြီးပါ။ ကမ္ဘာ့သမိုင်း ရူပဗေဒ ပညာနယ်ပယ် မှာ အာဏာရှိခဲ့ တဲ့ကျမ်းတွေထ
ဲက တစ်ကျမ်းအပါ အဝင်ဖြစ်ပြီး အင်္ဂလိပ်လူမျိုးရူပဗေဒ ပညာရှင်ကြီး ဆာအိုင်ဆက်ညူတန်ရဲ့ ကျမ်းကြီး
(Philosophiae Naturalis Principia Mathematica) နဲ့ တစ်ပြေးညီအဆင့်အတန်း သတ်မှတ်ထားခြင်းခံ
ထားရပါတယ်။

စက္ခုပညာကျမ်းအပါအဝင် ရူပဗေဒဆိုင်ရာကျမ်းတွေ၊ သင်္ချာပညာ ဆိုင်ရာကျမ်းတွေ၊ နက္ခတ္တဗေဒ ဆိုင်ရာ
ကျမ်းတွေ၊ ဆေးပညာဆိုင်ရာ ကျမ်းတွေ ကိုလည်းပြုစုခဲ့ပါသေးတယ်။ သူ့ရဲ့ စက္ခုပညာဆိုင်ရာ သိပ္ပံ တွေ့
ရှိချက်တွေ၊ ကျမ်းတွေ၊ သင်ကြားမှုတွေကြောင့် ကမ္ဘာကအကျိုးထူးတွေခံစားခဲ့ရတဲ့အလျောက် သူ့ကို
"စက္ခုပညာရဲ့ ဖခင်ကြီး" အဖြစ် သမိုင်းမှာ ဂုဏ်ပေးမှတ်တမ်းတင်ခြင်းခံခဲ့ရပါတယ်။ မုစ်လင်မ် စွယ်စုံပညာ
ရှင်ကြီးတွေရဲ့ သဘာဝအတိုင်း သူသည်လည်း ဘာသာတရားကိုင်းရှိုင်းသူတစ်ဦး ဖြစ်ပြီး ပညာရပ်နယ်ပယ်
အတော်များများနဲ့သက်ဆိုင်တဲ့ ကျမ်းတွေ ပြုစုခဲ့ပြီး လူသားတွေကို ပညာအလင်း ပေးခဲ့သူပါ။ ဘာသာရေး
ဆိုင်ရာ ကျမ်းတစ်ချို့ကိုလည်း ပြုစုခဲ့ပါသေးတယ်။ သူပါရဂူမြောက်အောင်ကျွမ်းကျင်တဲ့သင်္ချာပညာ ကို
အသုံးပြုပြီး ကိဗ်လာ (မုစ်လင်မ် များဝတ်ပြုရာတွင် မျက်နှာမူရာ အရပ်) ကို တွက်ချက်တဲ့ နည်း စာတမ်း
ကို လည်းပြုစုခဲ့ပါတယ်။

သူ့ရဲ့ မှတ်သား ဖွယ်ရာ ဘာသာရေးဆိုင်ရာ ခံယူချက် တစ်ခုကို ဖော်ပြပေးချင်ပါတယ်။

"မျက်စိမှိတ် နောက်လိုက်ပြုခြင်း "သက်လီးဒ်" ဟာ အလ္လာဟ့်တမန်တော် တွေအတွက်ဘဲဖြစ်သင့်ပြီး
အခြား သူတွေကို လုံးဝမျက်စိမှိတ် သက်လီးဒ် ပြုခြင်းမပြုသင့်ပါ"။

အသိပညာ၊ အတတ်ပညာ ဆည်းပူးတာနဲ့ ပတ်သတ်ပြီး ခုလို ခံယူခဲ့ပါသေးတယ်။

"ကျွန်ပ် သည် အသိပညာ၊ အတတ်ပညာ နှင့် အမှန်တရားတို့ကို ပုံမှန် လိုက်စားခဲ့ခြင်းကြောင့်
ကျွန်ပ်သိလာခဲ့ရတာကတော့ အသိပညာ၊ အတတ်ပညာ ရော အလ္လာဟ်အရှင်မြတ်နဲ့ နီးကပ်မှုကို
ပါ ရရှိ ဖို့ အလွန်ကောင်းတဲ့နည်းလမ်းကတော့ အသိပညာ၊ အတတ်ပညာ နှင့် အမှန်တရားတို့ကို
ရှာဖွေ ခြင်းဘဲ ဆိုတာပါ"။

ဒီနေ့ မုစ်လင်မ်တစ်ချို့ရဲ့ အလွန်လွဲမှားတဲ့ အတွေးအခေါ်တစ်ခု ဖြစ်တဲ့ "ဘာသာရေးကို ဦးနှောက်နဲ့
စဉ်းစားလို့မရဘူး" ဆို တာနဲ့ ပညာရှင်ကြီး ရဲ့ အထက်ပါခံယူချက်တို့ကို နှိုင်းယှဉ်ကြည့်ကြပါ။

ပညာရှင်ကြီးကို ဂုဏ်ပြုတဲ့အနေနဲ့ လကမ္ဘာပေါ်ရှိတွင်းကြီးတစ်တွင်း (crater) ကို "အလ်ဟေဇဲန် ခရတာ"လို့
အမည်ပေးထားပါတယ်။ ပြီးတော့ အင်္ဂါဂြိုဟ် (မားစ်) နဲ့ ကြာသပတေးဂြိုဟ် (ဂျူပီတာ) တို့အကြားမှာရှိတဲ့
(ASTEROIDS) ဂြိုဟ်ငယ်တွေထဲက တစ်ခုကို လည်း သူ့ရဲ့နာမည် "အလ်ဟေဇဲန်" လို့ပေးထားပါသေးတယ်။

ပညာရှင်ကြီး ဟာ C.E ၁၀၄၀၊ အီဂျစ်ပြည် ကိုင်ရိုမြို့မှာ အလ္လာဟ်အရှင်မြတ် အမိန့်တော် ခံယူခဲ့ပါတယ်။
သူဟာ မကွယ်လွန်မှီအထိ သိပ္ပံဆိုင်ရာ သုတေသနေတွေကို တစ်စိုက်မတ်မတ် လုပ်ဆောင်သွားခဲ့ပါတယ်။
စာဖတ်သူများအနေနဲ့ အလ်ဟေဇဲန် ရဲ့ဘဝ နဲ့ ပညာကို ဆက်လက်လေ့လာကြဖို့ တိုက်တွန်းလိုပါတယ်။

အို-အလ္လာဟ် အရှင်မြတ်၊ ဒီပညာရှင်ကြီး အိဗ်နု အလ်ဟိုင်ယ်သမ်(ခေါ်) (Alhazen) (ရဟ်မသုလ္လာဟ်အလိုင်ဟ်)
အား အရှင့်ကရုဏာတော်ဖြင့် လွှမ်းခြုံသနားတော်မူပါ။ အာမီးန်............။

လေးစားပါတယ်ဗျာ
The Sage